MBROJTJA NGA MASHTRIMET

Kujdesi i Western Union për mbrojtjen e konsumatorit

Western Union është i përkushtuar në luftën kundër mashtrimeve dhe në ndihmë të klientëve për të mos rënë pre e mashtrimeve.Ne bashkëpunojmë ngushtë me autoritetet, agjensitë për mbrojtjen e konsumatorëve dhe agjensitë e tjera për rritjen e vetëdijesimit të klientëve kundër mashtrimeve.

Kujdes kur blini mallra nëpërmjet internetit

Në qoftë se, së fundmi keni kontaktuar me ndonjë shitës i cili nëpërmjet internetit, ofron një mall shumë të mirë për një çmim shumë të lirë dhe për blerjen e këtij malli, ju kërkon të dërgoni shumën e parave nëpërmjet “WESTERN UNION”, ju këshillojmë të keni kujdes, që të mos bëheni viktimë e një mashtrimi!

  • Një njoftim në internet përdoret nga një mashtrues për të ofruar një shans të madh, për një çmim shumë të lirë!
  • Klienti kërkon të blejë mallin dhe dërgon shumën që do të paguajë nëpërmjet “WESTERN UNION”, dhe këshillohet nga mashtruesi që të përdorë një pyetje provë, një emër të rremë marrësi apo emrin e ndonjë të afërmi të tij për të siguruar transaksionin.
  • Ndërkohë mashtruesi i kërkon dërguesit informacionin e transfertës të cilin do ta përdorë ose ai vetë ose një bashkëpunëtor i tij për të tërhequr paratë.
  • Pasi janë tërhequr paratë, DËRGUESI NUK MERR KURRË MALLIN DHE HUMB PARATË!

Kujdes me blerjet në Internet

Kujdes me pagesa tek të panjohurit

Është e zakonshme kur njerëzit me gjendje financiare më të dobët kërkojnë shpejt të holla në të gatshme. Fatkeqësisht, edhe mashtruesit të cilët kërkojnë viktima janë gjithashtu të zakonshëm. Në mashtrimet me parapagime, mashtruesit paraqiten si përfaqësues të kompanive të rrejshme, duke përdorur dokumente, email, webfaqe në dukje autentike, që të duken të ligjshme për të joshur viktimat që të paguajnë para për të pranuar diçka në vlerë më të madhe, të tilla si kredi, kontrata në investime, donacione, dhe pastaj merr pak ose asgjë. Të jeni të kujdesshëm ndaj çdo oferte ku ju duhet të kryeni pagesat para kohe.

Kujdes nga romancat përmes Internetit

Lidhjet përmes internetit shpesh janë target për tu shfrytëzuar prej mashtruesve .Pasi që lidhja forcohet, kërkesat fillojnë të ndryshojnë. Ata kërkojnë nga ju, që t’u dërgoni para për shpenzime të udhëtimit, për vizitë të kushëririt të sëmurë. Transferi i parë është i vogël, por kërkesat vazhdojnë dhe rriten, deri sa vajza ka nevojë urgjente për operacion, etj. Premtimet e kthimit të huas janë boshe. Paratë ikin së bashku me ata.